દેશ

પાકિસ્તાન નહીં સુધરે તો ફરી થશે સર્જિકલ સ્ટ્રાઈક, અમિત શાહે આપી ચેતવણી

ગૃહ મંત્રી અમિત શાહે પાકિસ્તાનને ચેતવણી આપી કે, જો તે કાશ્મીરમાં આતંકવાદીઓ મોકલવાનું બંધ નહીં કરે તો વધુ એક સર્જિકલ સ્ટ્રાઈક માટે તૈયાર રહે.

  • ગૃહ મંત્રી અમિત શાહે કાશ્મીરમાં આતંકવાદી હુમલાને લઈને પાકિસ્તાનને આપી ચેતવણી.
  • અમિત શાહે કહ્યું કે, પાકિસ્તાન મર્યાદા ઓળંગશે તો તેના પર વધુ એક સર્જિકલ સ્ટ્રાઈક કરાશે.
  • અમિત શાહે ગોવામાં નેશનલ ફોરેન્સિક સાયન્સીઝ યુનિવર્સિટીના શિલાન્યાસ પ્રસંગે બોલતા આ ચેતવણી આપી.

ગૃહ મંત્રી અમિત શાહે પાકિસ્તાનને હદમાં રહેવાની ચેતવણી આપી છે. તેમણે કહ્યું કે, જો તે કાશ્મીરમાં આતંકવાદીઓને નાગરિકોની હત્યા કરવામાં સમર્થન આપતું રહેશે અને મર્યાદા ઓળંગશે તો તેના પર વધુ એક સર્જિકલ સ્ટ્રાઈક કરાશે.

કેન્દ્રીય ગૃહ મંત્રી અમિત શાહે કહ્યું કે, થોડા વર્ષ પહેલા પૂંચમાં જ્યારે હુમલો થયો તો પહેલી વખત સર્જિકલ સ્ટ્રાઈક કરી ભારતે દુનિયાને જણાવી દીધું કે, ભારતની સરહદોની સાથે છેડછાડ કરવી એટલી સરળ નથી. વડાપ્રધાન નરેન્દ્ર મોદી અને પૂર્વ સંરક્ષણ મંત્રી મનોહર પાર્રિકરના નેતૃત્વમાં પહેલી વખત ભારતે પોતાની સરહદોની સુરક્ષા અને સન્માનને સાબિત કર્યા.

તેમણે કહ્યું કે, સમગ્ર દેશ મનોહર પાર્રિકરને બે બાબતો માટે હંમેશા યાદ કરશે. તેમણે ગોવાને તેની ઓળખ આપી અને બીજું તેમણે સેનાઓને વન રેન્ક, વન પેન્શન આપ્યું. અમિત શાહે ગોવાના ધારબંદોરામાં નેશનલ ફોરેન્સિક સાયન્સીઝ યુનિવર્સિટીના શિલાન્યાસ સમારંભમાં બોલી રહ્યા હતા.

તેમણે કહ્યું કે, પીએમ મોદીના નેતૃત્વમાં દેશના એપ્રોચમાં મોટો ફેરફાર આવ્યો છે. પહેલા દેશની સરહદો ઓળંગીને આતંકવાદી આવતા હતા. ઉગ્રવાદ ફેલાવતા હતા. જોકે, દિલ્હીના દરબારથી એક નિવેદન ઉપરાંત કંઈ થતું ન હતું. પરંતુ, પૂંચમાં જ્યારે હુમલો થયો તો ભારતે બતાવ્યું કે, તેની સરહદો સાથે છેડછાડ એટલી સરળ નથી.

શાહે કહ્યું કે, મોદી-પાર્રિકરે યુગ પરિવર્તનકારી શરૂઆત કરી. તેમણે જણાવ્યું કે, જેવો સામેથી સવાલ આવશે એવો જ જવાબ આવશે. ગૃહ મંત્રીએ એમ કહીને સ્પષ્ટ સંદેશ આપ્યો કે, પાકિસ્તાન જો પોતાની હરકતો બંધ નહીં કરે તો તેણે ફરીથી સર્જિકલ સ્ટ્રાઈક માટે તૈયાર રહેવું જોઈએ.

Related Articles

Leave a Reply

Your email address will not be published. Required fields are marked *

Back to top button
error: Content is protected !!