ખેલ જગત

ICC T20 World Cup Schedule: ભારત સૌથી પહેલી મેચ 24 ઓક્ટોબરે પાકિસ્તાન સામે રમશે

જાણી લો T20 વર્લ્ડકપનું ટાઈમ-ટેબલ, આ વખતે ભારત અને પાકિસ્તાન એક જ ગ્રુપમાં છે

હાઈલાઈટ્સ:

  • T20 World Cup ક્યારે યોજાવાનો છે તેનો કાર્યક્રમ જાહેર થઈ ગયો
  • ટીમ ઈન્ડિયા વર્લ્ડકપની શરુઆત પાકિસ્તાન સામેની મેચથી કરશે
  • ભારત અને પાકિસ્તાન આ વખતે વર્લ્ડકપમાં એક જ ગ્રુપમાં છે

કોરોના વાયરસના કારણે ઓલિમ્પિકની જેમ T20 વર્લ્ડકપના આયોજનને પણ રદ્દ કરવાનો નિર્ણય લેવામાં આવ્યો હતો. જોકે, આ વર્ષમાં વર્લ્ડકપનું આયોજન કરવામાં આવ્યું છે, જેના અંગે મંગળવારે જાહેરાત કરવામાં આવી છે. જેમાં ભારત અને પાકિસ્તાનની ટીમ 24 ઓક્ટોબરે આમને સામને હશે. આ બન્ને ટીમ દુબઈમાં રમવાની છે.


પહેલી સેમિફાઈનલ 10 નવેમ્બરે

પહેલી સેમિફાઈનલ 10 નવેમ્બરે અબુધાબીમાં રમાવાની છે. જ્યારે બીજી સેમિફાઈલનનું આયોનજ 11 નવેમ્બરે દુબઈમાં યોજાશે. બન્ને સેમિફાઈનલ માટે દિવસ પણ રિઝર્વ રાખવામાં આવ્યા છે.

ફાઈનલ મેચ 14 નવેમ્બરે દુબઈમાં યોજાશે

T20 વર્લ્ડકપની ફાઈનલ મેચ 14 નવેમ્બરે દુબઈમાં યોજાશે. સેમિફાઈનલની જેમ જ ફાઈનલ માટે રિઝર્વ ડે રાખવામાં આવ્યો છે. વર્ષ 2016માં પછી પહેલીવાર T20 વર્લ્ડકપનું આયોજન 17 ઓક્ટોબરથી 4 નવેમ્બર સુધી ઓમાન અને યુએઈ (દુબઈ, અબુધાબી અને શારજહા)માં રમાશે.


ટીમ ઈન્ડિયા દુબઈમાં 4 મેચ રમશે

ભારતીય ટીમ સુપર 12 રાઉન્ડમાં પોતાના અભિયાનની શરુઆત પાકિસ્તાન સામેની મેચથી કરશે. બન્ને ટીમ વચ્ચે 24 ઓક્ટોબરે મેચ રમાવાની છે. ટીમ ઈન્ડિયા પોતાની બીજી મેચ ન્યૂઝીલેન્ડ સામે 31 ઓક્ટોબરે દુબઈમાં રમશે. 3 નવેમ્બરે ભારત અને અફઘાનિસ્તાનની ટીમ અબુ ધાબીમાં રમશે. ભારતીય ટીમ 4 મેચ દુબઈમાં જ્યારે એક મેચ અબુધાબીમાં રમવાની છે.


ભારત અને પાકિસ્તાને ગ્રુપ બેમાં વર્લ્ડ ટેસ્ટ ચેમ્પિયનશિપ ચેમ્પિયન ન્યૂઝીલેન્ડ અને અફઘાનિસ્તાન સાથે રાખવામાં આવ્યા છે. અન્ય ગ્રુપમાં પૂર્વ ચેમ્પિયન વેસ્ટઈન્ડિઝ, ઈંગ્લેન્ડ, ઓસ્ટ્રેલિયા અને દક્ષિણ આફ્રિકાનો સમાવેશ થાય છે.

8 દેશોની ક્વોલિફાઈંગ ટુર્નામેન્ટને 23 સપ્ટેમ્બરથી રમાશે જેમાં શ્રીલંકા, બાંગ્લાદેશ અને આયર્લેન્ડની ટીમનો સમાવેશ થાય છે. જેમાંથી 4 ટીમ સુપર-12 માટે ક્વોલિફાય થશે.

ICCએ T20 વર્લ્ડકપમાં ભાગ લેનારા દેશોને યુએઈમાં આયોજિત ટૂર્નામેન્ટ માટે 15 ખેલાડીઓ અને 8 અધિકારીઓને લાવવાની મંજૂરી આપવામાં આવી છે, જેના માટે 10 સપ્ટેમ્બર સુધીનો સમય નક્કી કરાયો છે.

લેટેસ્ટ ન્યૂઝથી અપડેટ રહેવા માટે અમારી ZATPAT News App ડાઉનલોડ કરો, અમારી સાથે જોડાઓ : facebook | twitter | Navsari live Youtube| Zatpat News | Telegram | Whatsapp Group

Related Articles

Leave a Reply

Your email address will not be published. Required fields are marked *

Back to top button
error: Content is protected !!